پنجاب میں موسم گرم اور مرطوب رہنے کا امکان

آئندہ چوبیس گھنٹوں کے دوران پنجاب کے بیشتر علاقوں میں موسم گرم اور مرطوب رہنے کا امکان ہے۔ محکمہ موسمیات کے مطابق گزشتہ چوبیس گھنٹوں کے دوران پنجاب کے بیشتر علاقوں میں موسم گرم اور مرطوب رہا تاہم بعض علاقوں میں مطلع جزوی طور پر ابر آلود رہا۔

لاہور کا موسمی مشاہدہ

لاہور میں گزشتہ روز شہر کا کم سے کم درجہ حرارت 27 اور زیادہ سے زیادہ 37 سینٹی گریڈ رہا جبکہ ہوا میں نمی کی شرح 46 فیصدریکارڈ کی گئی۔ اسی طرح لاہور میں آلودگی کی مجموعی شرح 118فیصد رہی جبکہ شہر کے مختلف علاقوں میں ایئر کوالٹی انڈیکس فیز فائیو ڈی ایچ اے میں 119،برکی روڈ127،پیراگان سٹی 154،ماڈل ٹائون 99، عسکری ٹاؤن 145، گوالمنڈی 110، شاہ پور کینال 116 ریکارڈ کیا گیا۔

موسمی پیشگویی

محکمہ موسمیات کی جانب سے جاری کی گئی پیشگویی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم گرم اور مرطوب رہنے کا امکان ہے تاہم بعض علاقوں میں مطلع جزوی طور پر ابر آلود رہنے کی توقع ہے۔