کیپس کالج حاصل پور کی فرسٹ ایئر میں نمایاں کامیابی؛ پرائیویٹ سکولز ایسوسی ایشن کے عہدیداران کی مبارکباد

حاصل پور (وطن نیوز) — کیپس کالج حاصل پور نے فرسٹ ایئر میں نمایاں تعلیمی کامیابی حاصل کی ہے۔ اس کامیابی پر پرائیویٹ سکولز ایسوسی ایشن (پی ایس اے) حاصل پور کے معزز عہدیداران کالج تشریف لائے اور انتظامیہ کو مبارکباد پیش کی۔

وفد میں ایسوسی ایشن کے صدر حافظ شاہد ندیم، نائب صدر حافظ عمیر، جنرل سیکرٹری راؤ عمران اختر اور انفارمیشن سیکرٹری محمد ابوذر شامل تھے۔ عہدیداران نے کالج کی تعلیمی کامیابی کو سراہا، انتظامیہ اور اساتذہ کی حوصلہ افزائی کی اور تعلیمی میدان میں ان کی کاوشوں کو خراج تحسین پیش کیا۔

اس موقع پر کالج انتظامیہ نے مہمانوں کا پرتپاک استقبال کیا اور گلدستے پیش کیے۔ انتظامیہ نے ایسوسی ایشن کے عہدیداران کا تہہ دل سے شکریہ ادا کرتے ہوئے کہا کہ ان کی محبت، پذیرائی اور حوصلہ افزائی کالج کے لیے باعث افتخار ہے۔